My wo sebi
Centrum za dialog a změnu Ewangelskeje cyrkwje Berlin-Braniborska-šleska Hornja Łužica wobsteji wot lěta 2018. Wón ma swoje sydło w Choćebuzu.
Hač do lěta 2023 je Centrum jako cyrkwinska institucija towaršnostny dialog we Łužicy podpěrował. Jemu je so w tym času poradźiło, wosady a cyrkwine wokrjesy w prašenjach strukturneje změny poradźować, w Brunicowym wuběrku kraja Braniborskeje sobu skutkować, dialogowe dny organizować a poskićeć a tak rozmołwu mjez cyrkwju, hospodarstwom, wědomosću a politiku přeco zaso pozbudźować. Nimo toho bě wón při přihotowanju a přewjedźenju Łužiskeho cyrkwinskeho dnja rozsudnje wobdźěleny a je tohorunja zdźěla nowo wutworjeny kontakt tež k dźěłarnistwam a dalšim ciwilnotowaršnostnym akteram wudźeržował.
Wot 1. januara 2024 dźěła Centrum za dialog a změnu z dale wuwitymi nadawkami. Wón ma nětko prašenja cyrkwje a towaršnosće we woběmaj nakrajnje charakterizowanymaj hamtskimaj wobwodomaj Podstupim a Zhorjelc wobkedźbować.
Ewangelska cyrkej steji w swojej mnohotnosći za ludźom přichilenu, wotewrjenu a demokratisku towaršnosć, kotraž widźi w kóždym jednotliwym čłowjeku wot Boha z jónkróćnymi darami wobdarjeny indiwiduum a kotraž ludźi pozbudźuje, tute dary za towaršnosć a za dobre žiwjenje wšěch zasadźeć.
Centrum podpěruje cyrkwine wokrjesy a wosady w prašenjach strukturneje změny a transformaciskich procesow. Wón agěruje prawnisce a z impulsami za mnohostronske temy wjesnych rumow a poskićuje podpěru z multiprofesionelnym teamom za projekty z fokusom na zjawnu zhromadnosć. Při tym chcemy so jako cyrkej hišće sylnišo z našimi městnami a rumami za dialogi mjez ciwilnej towaršnosću, hospodarstwom, politiku a wědomosću wotewrić a na wosobinske stawizny ludźi słuchać, kotřiž transformaciju tworja.
Centrum chce tež slědźić za prašenjom skutkownosće křesćanskeje wěry, teologije a spirituality w přeměnjenskich procesach a wo tym ze zajimcami do rozmołwy přińć.
Fararka Dorothee Land
Wjednica Centruma za dialog a změnu
Přibrjóžna dróha 1
03046 Choćebuz
Übersetzung: Dorothea Šołćina/Scholze